Жото япон хэлний сургууль миний хувьд хүссэн салбартаа дэвшин суралцахад сургуулиа хайх, багштайгаа холбогдох, шалгалт өгөх гээд бүх үед зааж, чиглүүлж, дэмжиж өгсөн учраас өнөөдөр хүссэн сургуульдаа суралцаад явж байна. Хичээж байгаа хүний хажууд дэмжих хүн байна гэдэг бол хамгийн сайхан. Миний хувьд тэр нь бол Жото япон хэлний сургуулийн багш нар байсан. Япон, монгол багш нар нь хариуцлагатай, харилцаа хандлага сайтай, төгсөгчдийн хүсэл зорилгыг маш их дэмжиж ажилладаг хамт олон санагдсан. Сургуулиа төгссөн хойно ч төгсөгчиддөө санаа тавьж, харилцаа холбоотой байдагт нь маш их талархдаг. Тиймээс нийт япон хэлийг сонгон суралцаж буй залуустаа хичээж байгаа хүнд боломж үргэлж нээлттэй байдаг шүү гэж хэлье. Залуучууддаа амжилт хүсье.

Жото Япон хэлний сургуульд суралцаж байхдаа чадварлаг багш нараар хичээл заалган, Японы ёс заншилтай танилцан, олон шинэ найзуудтай болж мөн олон төрлийн ажил хийж үзсэн минь гайхалтай туршлага байлаа. Цаашид Япон улсад амьдрах зорилготой хүмүүст хандаж хэлэхэд та бүхэн ирээдүйн зорилгоо тодорхой болгоод түүнийхээ төлөө хичээгээрэй. Мөрөөдлийнхөө төлөө сурч хөгжих хүн бүрт боломж хаа нэгтээ заавал байдаг учир зорилгодоо үнэнч тууштай байгаарай гэж хэлмээр байна. Зорилгодоо заавал хүрээрэй. Та хичээвэл чадах болно. Танд амжилт хүсье.

Одооноос япон орныг зорихоор сонирхож байгаа хүмүүсийн хувьд хамгийн эхний чухал алхам бол тодорхой хэмжээний япон хэлний мэдлэг эзэмшингээ бичиг баримтаа маш найдвартай сайн бүрдүүлж авах явдал гэж бодож байна. Тиймээс энэ тал дээр миний санал болгох байгууллага бол яалт ч үгүй миний хувьд болон японд ирж, ажиллаж амьдарч байгаа олон залуусын ирээдүйд маш том тус нэмэр болсон Асами багшийн Жото эдүкэшн центр төв юм. Жото эдүкэшн центр бол Япон дахь Жото япон хэлний сургуульд шууд зуучилдаг албан ёсны маш найдвартай байгууллага. Мөн япон хэлний хичээл нь хөтөлбөрийн дагуу сайн явагддаг учир Японд ирээд хэлний сургууль цаашлаад сэнмон, их сургууль, ажилд орох гэх мэт дараа дараагийн үе шатуудыг давахад шаардлагатай маш сайн суурийг тавьж өгөх болно. Энэ ч бас маш том боломж шүү.

Надад Яаманаши Гакүин их сургууль олон талаараа тохиромжтой санагдаж байсан учир хүчээ сорихоор шиидсэн юм. Уг сургуульд хууль зүйн анги байхаас гадна бодит чадвар дээр суурилан хуулийн талаар суралцах гэсэн хичээл байсан нь бүр ч илүү таалагдаж байв. Түүнээс гадна Яаманаши Гакүин их сургууль Япондоо спортоороо тэргүүлдэг сургууль байсан нь оюутан насаа адал явдалтай, сонирхолтой өнгөрөөх боломж шиг санагдсан. Хамгийн их талархсан зүйл нь Яманаши Гакүин их сургуулийн багш нар тус сургуульд элсэх хүсэлтэй оюутнуудыхаа төлөө Монголд ирж элсэлтээ авснаас гадна, шалгалт өгөхөөр бэлтгэж буй оюутнуудад элсэлтийн ярилцлагад бэлдэх арга техникийг заан сургаж тусалж дэмжиж байсан нь юм. Элсэн орсны дараа хичээлдээ төвлөрч сайн суралцахаас гадна санаа зовохгүйгээр тусламж зөвлөгөө авах боломжтой, нээлттэй сайхан харилцаатай хамт олон байсан учир тухайн сургуулийг сонгосондоо баяртай байна. Мөн намайг энэ сургуульд элсэн ороход дэмжиж өгсөн Жотогийн хамт олондоо бас баярлалаа.

Миний хувьд Японы засгийн газрын Монбүшо тэтгэлгээр японд ирсэн сурагчдын нэг. Нийгмийн ухаан MEXT2023 хөтөлбөрөөр нийт 20 гаруй улсаас 49 оюутан ирсэн. Бид нийт 6 хичээлээр шалгалт өгч, шалгалтын оноогоороо хоорондоо өрсөлдөн сургуулиа сонгож орцгоосон. Дүнгийн дундажаар жагсаан өндөр оноотой хүүхэд нь их сургуулиа түрүүлж сонгоно, нэг их сургуульд хамгийн ихдээ 5 хүүхэд гэсэн зарчмаар сургууль оногддог. Японд 2023 оны 4 сард ирээд, япон хэлний түвшнээр доод түвшин (N5-N3)-4 хүүхэд, дунд түвшин (N2)-24 хүүхэд, дээд түвшин (N1)-21 хүүхэд гэж тус бүр 3 бүлэгт хуваагдахад, би доод түвшинд 3 хүүхдийн хамтаар хуваарилагдсан. Японд амьдарч байсан хүүхдүүд болон япон хэлээр ус цас хүүхдүүдтэй япон хэл ашиглан япон хэл дээр үзэх японы талаарх мэдлэгээр өрсөлдөнө гэдэг нь айдас хүргэм байсан. Мөн орохыг хүсэж буй Осака их сургууль нь Токио, Кёото гээд сургуулийн араас 3-т эрэмбэлэгддэг сургууль тул эхний 15 орчимд жагсахгүй бол элсэн орж чадахгүй гэх бодит байдалтай нүүр тулсан. Гэхдээ эцэст нь “Эзэн хичээвэл заяа хичээнэ” гэгчээр зорьсондоо хүрсэндээ баяртай байна.