Төгсөгчдийн дуу хоолой
Сайн байна уу?
Намайг Мөнхцэцэг гэдэг.
Би 2019 оны 9 сард Жото япон хэлний сургуулийг төгсөж, 2021 оны 10 сараас Токүшима их сургуульд зүрх судасны эмгэг судлалын мэргэшсэн эмчээр докторын хөтөлбөрийг тэтгэлэгтэйгээр суралцаж байна.
Япон улс нь мөрөөдөл болон хүсэл зорилготойгоор шаргуу хичээл зүтгэл гаргаж буй бүх хүмүүст нээлттэй, эрх тэгш нийгэмтэй, амьдрахад ч мөн тайван аюулгүй газар юм.
Миний хувьд Жото япон хэлний сургууль бол хүссэн салбарын сургуульдаа элсэн орохын тулд сургуулиа хайж, профессортой холбоо барьж, элсэлтийн шалгалт өгөх үед бүх заавар зөвлөгөөг өгч, тусалж дэмжсэн болохоор, өнөөдөр би хүссэн сургуульдаа суралцах боломжтой болсон юм.
Япон болон монгол багш нар үнэхээр хариуцлагатай, эелдгээр харьцаж, төгсөж буй суралцагч нарийн мөрөөдөл болон зорилгыг бүх чадлаараа тусалж дэмждэг.
Сургуулиа төгссөний дараа ч гэсэн төгсөгчдөд анхаарлаа хандуулан, холбоо барьдагт үнэхээр талархаж явдаг.
Тиймээс бүх япон хэлийг суралцаж буй залуус хичээж буй хүмүүст үргэлж боломж байгаа гэж бодож байна.
Залуус та бүхнийг амжилттай байгаасай хэмээн хүсэж байна.
Овог нэр: Цэрэнсоном Мөнхцэцэг
2020 оны 9 сарын төгсөлт
Токүшима их сургууль, Анагаах ухаан, шүд эм зүй судлалын салбар сургууль, Докторын хөтөлбөр
Сайн байна уу?
Намайг Хишигбадрахын Баасанхүү гэдэг.
Усны инженерээр мэргэшсэн.
Одоо би Японы Нагасаки хотод амьдардаг.
Би Японы Токио хотод байрладаг Жото япон хэлний сургуулийг сайн үнэлгээтэйгээр төгсөж, одоо би өөрийн мэргэжлийн чиглэлээр Нагасаки хотод байдаг Нагасаки их сургуульд магистрын зэрэг хамгаалахаар суралцаж байна.
Магистрын хөтөлбөрт усны чанарыг сайжруулах сүүлийн үеийн дэвшилтэт технологийг судалж байна.
Миний судалгаа бол дэлхийн хэмжээнд үүсэж буй усны дутагдал болон усны бохирдол гэх мэт томоохон асуудлуудыг хөндсөнөөрөө өвөрмөц судалгаа юм.
Жото япон хэлний сургуульд суралцаж байх үедээ сайн багш нараар хичээл заалгаж, японы соёл заншлыг сурч, олон шинэ найз нөхөдтэй болсон.
Мөн олон цагийн ажил хийж үзсэн минь үнэ цэнтэй туршлага байсан.
Ирээдүйд Япон улсад амьдрах зорилготой хүмүүст хандаж хэлэхийг хүсэж буй зүйл бол “Ирээдүйн зорилгоо тодорхойлоод, түүнийгээ биелүүлэхийн тулд хичээгээрэй” .
Мөрөөдлийнхөө төлөө сурч хөгжиж буй хүн бүрд хаа нэгтээ боломж заавал байгаа болохоор, өөрийн зорилгодоо үнэнч байгаарай.
Тэгээд заавал зорилгодоо хүрээрэй. Оролдоод үзвэл гарцаагүй чадах болно.
Та бүхэнд амжилт хүсье.
Овог нэр: Хишигбадрах Баасанхүү
2021 оны 3 сарын төгсөлт
Нагасаки их сургууль, Инженерийн дээд сургууль, магистрын хөтөлбөр