Японы шилдэг их сургуулиудын нэг Токушима их сургуулийн гадаад оюутнуудад зориулсан 100% сургалтын тэтгэлэгт хөтөлбөрийн албан ёсны түнш сургууль боллоо!
Манай байгуулга нь Японы Токушима их сургуулийн гадаад оюутан элсүүлэх хөтөлбөрийн түнш сургуулиар сонгогдож 2024 оны 2 сарын 27 ны өдөр албан эрхээ батлуулав. Үүгээр тус сургуулийн энэхүү эрхийг оруулж ирж буй Монгол дахь цорын ганц, дэлхийд дөрөв дэх сургууль нь болж байна. Одоогоос эхлэн энэхүү хөтөлбөрт тэнцсэн оюутнууд тус сургуулийн бакалаврын хөтөлбөрийн элсэлтийн хураамж болон дөрвөн жилийн сургалтын төлбөрөөс бүрэн чөлөөлөгдсөн суралцах боломжтой болж байгаа нь Япон Улсын Их Дээд сургуулиудын бакалаврын хөтөлбөрт дэх нэн ховор бөгөөд үнэ цэнтэй тэтгэлэгт хөтөлбөрийн гүүр нь болж байгаад манай хамт олон багш сурагчид нь туулийн их баяртай байна. Тус хөтөлбөрөөр Шинжлэх ухаан, Инженерчлэл, Био инженерчлэл ба үйлдвэрлэл гэсэн гурван салбар танхимуудаас сонгох боломжтой.
Нэмж дурдахад Токушима их сургууль нь Нобелийн шагналтнуудыг төрүүлсэн Японы 15 их сургуулийн нэг бөгөөд Монгол Улстай гүн гүнзгий харилцаатай ба Анагаах ухааны сургуулийн багш нар ЖАЙКА-гийн Япон-Монголын эмнэлгийн төсөлд оролцсон гэх мэт маш баялаг их түүхтэй Япон Улсын шилдэг их сургууль.
Энэхүү гайхамшигтай хөтөлбөрийг ашиглан манай сургуулийн сурагчдаас ирээдүйн Нобелийн шагналтнууд гарч ирнэ гэдэгт бид чин сэтгэлээсээ найдаж байна.
